Pedro Enrike Çelsiyə məğlubiyyət haqda: Rəqibin böyüklüyünü və oyun keyfiyyətini unutmamalıyıq
“Qarabağ”ın yeni transferi Pedro Enrike UEFA Çempionlar Liqasının ilk turunda "Çelsi"yə 0:6 hesabıyla uduzduqları səfər matçından danışıb.
Sportlife.az xəbər verir ki, braziliyalı yarımmüdafiəçi “İnstaqram”dakı şəxsi hesabından bunları paylaşıb:
“Uğursuz nəticəyə baxmayaraq, bu şounun bir hissəsi olmaq möhtəşəmdi. Əlbəttə ki, daha yaxşısını edə bilərik. Biz bir komandayıq, biz “Qarabağ”ıq. Amma rəqibin böyüklüyünü və oyun keyfiyyətini unutmamalıyıq”.
Xatırladaq ki, PAOK-dan 1 illiyə icarəyə götürülən Pedronun "Qarabağ"da debütü məhz "Stemford Bric"dəki qarşılaşmada baş tutub.