Cüdoçumuz Parisdə bürünc medal qazandı
Fransanın paytaxtı Parisdə cüdo üzrə "Böyük Dəbilqə" yarışı keçirilib. Sportlife.az xəbər verir ki, beynəlxalq turnirdə 71 ölkədən 399 cüdoçu mübarizə aparıb.
Milli komandamız mötəbər çempionatda bir bürünc medal qazanıb. +78 kq çəki dərəcəsində yarışan qadın cüdoçumuz İrina Kindzerska Paris turnirində 3-cü yeri tutub. ABŞ, Belarus və Fransa idmançılarına qalib gələn Azərbaycan cüdoçusu yalnız Yaponiya təmsilçisinə uduzaraq ölkəmizə bürünc medal qazandırıb.