Milli komandamıza ilk medalı cüdoçumuz qazandırdı
Azərbaycan milli komandası Taypey şəhərində keçirilən tələbələrin Universiadasında ilk medalını qazanıb.
Sportlife.az xəbər verir ki, oyunların ilk günündə 100 kq çəki dərəcəsində ölkəmizi təmsil edən cüdoçumuz Zelim Kotsoyev universiadanın qızıl medalını qazanıb. Cüdoçumuz Almaniya, Latviya, Bosniya-Herseqovina, Rusiya və Yaponiya idmançılarını məğlubiyyətə uğradıb.
Cüdoçumuzun şərəfinə Taypeydə dövlət himnimiz səsləndirilib və üç rəngli bayrağımız qaldırılıb.