Qubada alpinistlər itkin düşüb – FHN helikopter göndərdi
Qubada üç alpinist itkin düşüb. Sportlife.az xəbər verir ki, Babur Hüseynov, Namin Bünyadov və Fəridə Cəbrayılzadə iki gündü Xınalıq ərazisində yoxa çıxıblar.
İtən alpinistlər “Gilavar-Air & Extreme Sports Club”un üzvləridi. İdmançıların yaxınları bildiriblər ki, onlar Şahyaylaq, Mahmuddərə marşrutu üzrə hərəkət edərkən onlarla əlaqə kəsilib.
Artıq Fövqəladə Hallar Nazirliyi dekabrın 23-də Qubada itkin düşmüş üç alpinistin axtarışına başlayıb. Nazirlikdən bildirilib ki, “Gilavar” Hava və Ekstrem İdman Klubunun üzvü olan üç nəfər dekabrın 23-də Xınalıqdan Tufandağ istiqamətinə yollanıb. Dekabrın 26-da qayıtmalı olan alpinistlərdən heç bir məlumat almaq mümkün olmayıb. Bu barədə FHN-ə məlumat verilib.
Nazirlik həmin şəxslərin axtarışına başlayıb. Əraziyə helikopter göndərilib.