Mario Qomez geri qayıdır: Rəsmən açıqlandı
"Volfsburq"un alman üzvü Mario Qomez karyerasını sabiq klubunda davam etdirəcək. Sportlife.az xəbər verir ki, 32 yaşlı hücumçu "Ştuttqart"a transfer olunub.
Bu barədə klubun rəsmi saytı məlumat yayıb. Yayımlanan açıqlamada keçidin 3 milyon avroya başa gəldiyi bildirilib. Transfer qış fasiləsinin başlaması ilə yekunlaşdırılacaq. Bu zaman "Ştuttqart"dan Josip Brekalo da Qomezin əksinə, "Volfsburq"a keçəcək.
Xatırladaq ki, 2003-2009-cu illər ərzində 142 matçda "Ştuttqart" forması geyinən Mario Qomez 76 qol vurub və bir Bundesliqa çempionluğu yaşayıb.