Samir Nasri Türkiyə yolunda
Samir Nasri Türkiyə Super Liqasında çıxış edə bilər.
Sportlife.az xəbər verir ki, fransalı futbolçunu "Antalyaspor" öz heyətinə qatmağa çalışır. Pep Qvardiolanın "Mançester Siti"də qalmasını istəmədiyi futbolçuya "Antalyaspor" 2 illik müqavilə və illik 3,5 milyon avro maaş təklif edib. Nasrinin bu təklifə müsbət cavab verəcəyi deyilir.
Qeyd edək ki, ötən mövsüm icarə əsasında "Sevilya"da oynayan Samir Nasri 2011-ci ildə "Arsenal"dan "Mançester Siti"yə 27,5 milyon avroya transfer olunmuşdu.