Rafael Ağayev və 10 karateçimiz Bazelə yollandı
Karate üzrə mili komandamızın üzvləri İsveçrəyə yarışa yollanıblar.
Sportlife.az xəbər verir ki, federasiya prezidenti Yaşar Bəşirovun rəhbərliyi ilə idmançılarımız Bazeldə 8-ci "Basel Open Masters" beynəlxalq karate turnirində iştirak edəcəklər.
Ənənəvi mötəbər yarışın medalları uğrunda Firdovsi Fərzəliyev (-60 kq), Rafael Ağayev və Novruz Əliyev (hər ikisi -75 kq), Ayxan Mamayev (-84 kq), Şahin Atamov və Asiman Qurbanlı (hər ikisi +84 kq), eləcə də qadınlardan Nuranə Əliyeva (-50 kq), İlahə Qasımova (-55 kq), Fəridə Abiyeva (-61 kq), İrina Zaretska (-68 kq) və Fəridə Əliyeva (+68 kq) mübarizə aparacaq.