Sizin reklam burada Sizin reklam burada Naxçıvan məhsulları
8 Dekabr 2017, 18:30
145
Azərreyl qələbə qazandı

“Azərreyl” voleybol klubu Sloveniyada təlim-məşq toplanışını davam etdirir. Sportlife.az saytının məlumatına görə, “Çelenc Cup”ın 1/16 final mərhələsi çərçivəsində Rumıniya “Ştiinta”sı ilə qarşılaşacaq voleybolçularımız hazırlıq müddətində yoxlama matçı keçiriblər.

Famil Ağayevin rəhbərlik etdiyi komanda yerli “Maribor”la qarşılaşıb. Matç təmsilçimizin 3:1 hesablı qələbəsi ilə başa çatıb.

Dekabrın 5-dən Sloveniyada olan “dəmiryolçular” avrokubok matçına da burdan yollanacaq. Bakı klubu dekabrın 11-də Rumıniyaya getməyi planlaşdırır. Bunadək isə “Azərreyl” “Maribor”la daha bir yoxlama matçı keçirəcək.

Qeyd edək ki, “Ştiinta” – “Azərreyl” oyunu dekabrın 12-də olacaq.