Natalya MEMMEDOVA: Hec vaxt burada medal qazanmamisiq, amma...milli komandasının lideri Natalya Məmmədova Ukrayna mətbuatına müsahibə

Natalya MƏMMƏDOVA: Heç vaxt burada medal qazanmamışıq, amma...

  • 29 Sentyabr 2017, 12:33

Azərbayycanın qadın voleybolçulardanibarət  milli komandasının lideri Natalya Məmmədova Ukrayna mətbuatına müsahibə verib. Sportlife.az həmin müsahibəni təqdim edir:

- Ukrayna milli komandası haqqında nə deyə bilərsiniz?

- Ukrayna millisinin bugünki səviyyəsinə görə çox sevinirəm. Bu komandanın heyətini tanıyıram. Onlar yavaş-yavaş voleybolda irəli gedirlər. Klublar da inkişaf edir. Çox şadam ki, aşağı səviyyədə maliyyə olmasına baxmayaraq voleybol irəli gedə bilir. 

- Voleybolçularımızdan kimlərlə oynadınız?

- Aleksandra Peretyatko ilə oynadım. Digər qızları da xatırlayıram. Ukrayna milli komandasında istedadlı gənclər var. Onlara sadəcə təcrübə lazımdır. 

- Azərbaycan voleybolu haqqında nə deyə bilərsiz?

- Maliyyə böhranı təkcə Azərbaycan voleyboluna təsir etmədi. Azərbaycan idman növlərindən cüdo, gimnastika irəli gedir. İdman oyunları yaxşı səviyyədədir. Komanda idman növlərindən futbol yaxşıdır. Qadın voleybolu normal səviyyədədir, kişilərə isə diqqət ayrılmır.

- Avropa çempionu ola bilərsiniz?

- Burada çox yaxşı komandalar var. Bütün oyunlar gözlənilməz məcrada keçir. Türkiyə asanlıqla qrupdan çıxa bilərdi, amma çətinlik çəkdi. Ukrayna yaxşı idi. Azərbaycan da turnirin iddialısıdır. Heç vaxt burada medal qazanmamışıq. Amma buna layiqik.


Paylaş: