Berdiyev: "9 mümkün xaldan 6-sını itirdik"
"Turan Tovuz" Azərbaycan Premyer Liqasının XIII turunda doğma meydanda "Neftçi" ilə qolsuz heç-heçə edib.
Sportlife.az xəbər verir ki, qərb təmsilçisinin baş məşqçisi Qurban Berdiyev matçdan sonra keçirilən mətbuat konfransında jurnalistlərin suallarını cavablandırıb.
- Təxmin etdiyimiz kimi ağır oyun oldu. Belə oyunlar qola qədər olur. Təəssüflər olsun ki, qol vura bilmədik. 2 xal itirdiyimizi düşünürəm. Amma "Neftçi"nin də haqqını vermək lazımdır. Onlar da yaxşı oynadılar.
- "Neftçi"də baş məşqçi dəyişikliyi oldu. Komandanızı oyuna necə hazırladınız?
- Adətən belə komandalara qarşı oynamaq çətin olur. Çünki komanda belə hallarda daha istəkli oynayır. "Neftçi" də bu gün yaxşı oynadı.
- Ardıcıl 3-cü oyundur "Turan Tovuz" qələbə qazana bilmir. Bunun səbəbi nədir?
- Paltardəyişmə otağında uşaqlara dedim ki, 9 mümkün xaldan 6-sını itirdik. Yüksək səviyyədə olan rəqiblərlə oynamışıq. Həlledici məqamlarda daha yaxşı oynaya bilərdik.
