"Sumqayıt"ın futbolçularına sərt cəza

  • Dünən, 14:10

AFFA Misli Premyer Liqasının XXXIV turunda baş tutan "Kəpəz" - "Sumqayıt" matçı ilə bağlı cəzaları açıqlayıb.

Sportlife.az xəbər verir ki, bu barədə qurumun İntizam Komitəsinin iclasında qərar qəbul olunub.

Mayın 11-də baş tutan görüşün 89-cu dəqiqəsində "Sumqayıt”dan Rəşad Əzizli və Vüqar Mustafayev təcavüzkar davranışa görə birbaşa qırmızı vərəqə aldıqları üçün 2-si şərti olmaqla 4 oyunluq cəzalandırılıblar. Bununla yanaşı, həm Sumqayıt təmsilçisi hər oyunçuya görə 3000 manat cərimələnib. Hər iki futbolçuya 3 ay sınaq müddəti təyin edilib.

Bundan əlavə, “Kəpəz” 6 futbolçusunun sarı vərəqə almasına görə 700 manat, azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə 1000 manat ziyana düşüb. Oyun bitdikdən sonra azarkeşləri tərəfindən pirotexniki vasitədən istifadə edildiyinə görə isə Gəncə klubu əlavə 1500 manat da ödəməli olacaq. 

XXXIV turun “Sabah” – “Şamaxı” oyununda isə əsasnamənin tələbləri pozulduğu üçün meydan sahibləri 500 manat cərimələnib. 


Paylaş: