Rusiya klubu baş məşqçi axtarışında
Rusiyanın "Pari NN" klubunun Direktorlar Şurasının sədri Dmitri Kondratov SE-yə müsahibəsində komandaya yeni baş məşqçi axtarışı ilə bağlı sualı cavablandırıb.
Sportlife.az xəbər verir ki, Kondratov bildirib ki, hazırda heç bir namizəd yoxdur və boş qalan posta mütəxəssis axtarılır.
Aprelin 28-də Nijni Novqorod təmsilçisi baş məşqçi Sergey Yuranı istefaya göndərdiyini açıqlamışdı. Yuranın rəhbərliyi altında "Pari NN" ardıcıl altıncı oyunda uduzaraq 28 xalla 11-ci yerdə qərarlaşıb.