Klublarımızdan "Ulduz Cup"a uğursuz start
Gənclər və İdman Nazirliyi, AFFA və "Ulduz" Futbol Akademiyasının birgə təşkilatçılığı ilə Qubada 12 yaşadək futbolçular arasında keçirilən II "Ulduz Cup" beynəlxalq turnirində ilk günün nəticələri bəlli olub.
Sportlife.az xəbər verir ki, Azərbaycan təmsilçilırindən "Sabah” “Paxtakor”a (Özbəkistan) 0:1, "Qarabağ" "Dinamo"ya (Tbilisi, Gürcüstan), "Ulduz" "Trabzonspor"a 0:2 hesabı ilə məğlub olub. “Neftçi” isə "Şaxtyor"la (Karaqanda, Qazaxıstan) heç-heçə edib - 1:1.
Digər matçlarda “Başakşəhər” (Türkiyə) “Bunyodkor”uəa (Özbəkistan) 2:0, SYUDORŞ (Qırğızıstan) isə “Aspire Akademiyası”na 2:0 hesabı ilə qalib gəlib.
Turnirdə 7 ölkədən 12 komanda 3 qrupda mübarizə aparır. Final görüşü avqustun 28-də baş tutacaq.
Paylaş:
