"Finalda hər şey ola bilər"
Azərbaycan Premyer Liqasının XXXII turunun “Sabah” – “Qarabağ” oyunundan (1:1) sonra meydan sahibi komandanın baş məşqçisi Vasili Berezutski jurnalistlərin suallarını cavablandırıb.
Sportlife.az xəbər verir ki, mütəxəssis əvvəlcə görüşlə bağlı fikirlərini bildirib.
– “Qarabağ”ı çempionluq münasibəti ilə təbrik edirəm. Bərabər səviyyədə oyun oldu. Bir xala layiq olduğumuzu düşünürəm.
– Bu komanda ilə kubokun finalında üz-üzə gələcəksiniz. Hansı qeydləriniz oldu?
– Bəli. Finalda hər şey ola bilər. Düzdür, “Qarabağ” favoritdir. Azərbaycan çempionatında hər rəqiblə 4 dəfə qarşılaşırsan və müəyyən qeydlərin olur.
– Finalda qələbə qazanmaq gücündəsiniz?
– Bəli, əlbəttə. Bu, kubokdur və bir oyun olacaq. “Qarabağ” favoritdir, ancaq özümüzün də güclü tərəflərimizi bilirik.
– Avrokuboklara vəsiqə qazana bilməsəniz, gedəcəksiniz, ya qalacaqsınız?
– Heç nə deyə bilmərəm. Bu barədə rəhbərliklə birlikdə qərar verəcəyik.
