Azərbaycan millisi Beynəlxalq turnirin qalibi olub
Dünya çempionatına hazırlaşan Azərbatcanın minifutbol millisi Monteneqronun Herseq Novi şəhərində təşkil olunan beynəlxalq turnirin qalibi olub.
Sportlife.az xəbər verir ki, Bosniya və Herseqovina, Türkiyə, Monteneqro və Qazaxıstan yığmalarının mübarizə apardığı yarışda komanda bütün rəqiblərinə qalib gələrək baş mükafata sahib çıxıb.
Yığma üzvü üzvü Təmkin Xəlilzadə turnirin ən yaxşı oyunçusu adına layiq görülüb.
Elşad Quliyevin rəhbərlik etdiyi komanda daha bir beynəlxalq turnirdə iştirak etmək üçün Slovakiyanın Koşitse şəhərinə yollanıb. Aprelin 30-da start götürəcək yarışda milli ilə yanaşı, Slovakiya, Ukrayna, Belçika, Polşa və Macarıstan seçmələri də mübarizə aparacaq. Turnirə mayın 1-də yekun vurulacaq.
Paylaş:
