
Millimiz Litvaya qalib gəldi
Qadın futbolçulardan ibarət Azərbaycan milli komandası bu gün UEFA Millətlər Liqasında ikinci oyununu keçirib.
Sportlife.az xəbər verir ki, C Liqasının 4-cü qrupunda yer alan yığma Vilnüsdə Litva seçməsinin qonağı olub. 21-ci dəqiqədə Əsra Manya və 55-ci dəqiqədə Nigar Mirzəliyevanın vurduğu qollar komandamıza 2:0 hesablı qələbə qazandırıb.
Qeyd edək ki, Azərbaycan millisi qrupda növbəti matçını aprelin 8-də səfərdə Monteneqroya qarşı keçirəcək. Hazırda eyni - 4 xala malik komandalar, müvafiq olaraq, 1-2-ci yerlərdə qərarlaşıb.