Gimnaziadada 18 cüdoçumuz yarışacaq
İSF U-15 Gimnaziada İdman Oyunlarında iştirak edəcək Azərbaycan cüdoçuları bəlli olub.
Sportlife.az xəbər verir ki, bunu Azərbaycan Cüdo Federasiyasının mətbuat xidməti açıqlayıb.
Oyunların cüdo yarışları Luçani şəhərində baş tutacaq. Aprelin 11-12-də qaliblər müəyyənləşəcək.
Azərbaycanı yarışda 18 çəki dərəcəsində 18 cüdoçu (9 oğlan, 9 qız) təmsil edəcək. Gimnaziadada Azərbaycan Cüdo Federasiyasının “B” kateqoriyalı beynəlxalq dərəcəli hakimi Bəhriyyə Hüseynova ədalət təmsilçiləri arasında yer alacaq.
Qızların mübarizəsinə Fatimeyizəhra Məmmədzadə (36 kq), Nərgiz Məmmədova (40 kq), Yağmur Abdullayeva (44 kq), Şövkət Kərimova (48 kq), Sunay Məcidova (52 kq), Məleykə Əsədova (57 kq), Türkan Məmmədli (63 kq), Rəhimə İsmiəliyeva (70 kq) və Xədicə Quluzadə (+70 kq) qatılacaq.
Oğlanların yarışında Fuad Rəhimli (38 kq), Fərid Rzazadə (42 kq), Aqil Nağıyev (46 kq), Rəhim Əliyev (50 kq), Nuru Sadıqzadə (55 kq), Aqşin Bayramov (60 kq), Davud Bayramov (66 kq), Mehdi Məhəmmədəli (73 kq), Camal Bünyatov (+73 kq) tatamiyə çıxacaq.
