Addım-addım irəli: Bu temp avrokuboklara yetərmi?
“Turan Tovuz” son mövsümün ən diqqətçəkən region klublarından biri oldu. Ötən mövsümlə müqayisədə büdcəsini 1 milyon artıraraq 6 milyona yüksəldən qərb təmsilçisi bunun qarşılığını nəticələrdə də göstərdi. Komanda xal sayını 48-dən 55-ə, mövqeyini isə 6-cı yerdən 4-cü yerə yüksəltdi.
7 xallıq artım və 2 pilləlik irəliləyiş edən Kurban Berdıyevin komandasının avrokuboklara vəsiqə qazanmaq şansı da var. Əgər “Qarabağ” ölkə kubokunu qazansa, “Turan Tovuz” Konfrans Liqasına vəsiqə alacaq.
Qarşıdakı mərhələdə üç əsas məsələnin aktuallığı artmalıdır:
1. Büdcə artımının davamlılığı
2. İrəliləyişin stabilləşdirilməsi
3. Komanda strukturunun dərinləşdirilməsi
Klubda nəticə artımı ilə yanaşı, resursların necə istifadə edilməsinə də nəzarət edilməlidir. Növbəti mövsümdə təkcə rəqəmlər yox, tələb səviyyəsi də dəyişməlidir.
Sportlife.az
