"Sabah" 4 min cərimələndi
AFFA İntizam Komitəsi Komitəsi Azərbaycan Kubokunun yarımfinal mərhələsinin ilk oyunlarında yaşanan qayda pozuntularını müzakirə edib.
Sportlife.az xəbər verir ki, İK-in son iclasında həmin olaylara qiymət verilib.
“Qarabağ”la qarşılaşmada 4 futbolçusu sarı vərəqə görən “Araz-Naxçıvan” 700 manat cərimələnib.
AFFA ən ağır cəzanı isə "Sabah"a verib. "Neftçi" ilə matçın 90+3-cü dəqiqəsində "bayquşlar"ın məşqçisi Aleksey Antonyuk hakimləri təhqir etdiyinə görə birbaşa qırmızı vərəqə alıb. Bunu nəzərə alan İK rusiyalı mütəxəssisi 3-ü şərti olmaqla, 5 oyun cəzalandırıb. Klub isə 4000 manat cərimə ödəyəcək. Sınaq müddəti 3 ay təyin edilib.
Bundan başqa, “Neftçi” azarkeşləri tərəfindən pirotexniki vasitədən istifadə edildiyinə görə “ağ-qaralar” 1500 manat ziyana düşüb.
