Ayxan Abbasov: "Məğlubiyyəti unudub, qarşıdakı matça hazırlaşacağıq"
"Şamaxı"nın Misli Premyer Liqasının XIV turunda "Sumqayıt"a 1:2 hesabıyla məğlub olub.
Sportlife.az xəbər verir ki, qarşılaşmadan sonra keçirilən mətbuat konfransında bölgə təmsilçisinin baş məşqçisi Ayxan Abbasov matçla bağlı bunları deyib:
"Sumqayıt"ı qələbə münasibəti ilə təbrik edirəm. Bu gün şəhərin 75 illiyi idi. Maraqlı və dinamik oyun oldu. Hər iki komanda qalib gəlmək istəyirdi. Yaxşı mübarizə gedirdi. Oyun baxımından razı qaldım. Sadəcə bir xalı çıxarmalıydıq. Çox təəssüf ki, qapımızda yenə penalti gördük. Top təsadüfən futbolçumuzun əlinə dəydi. Ondan qabaqkı epizodu qola çevirsəydik, hər şey başqa cür olacaqdı. Məğlubiyyəti unudub, qarşıdakı matça hazırlaşacağıq. Çempionat gərgin keçəcək".
Paylaş:
