Cüdoçularımız Avropa Kubokunda
Xorvatiyanın Dubrovnik şəhərində keçiriləcək böyüklər arasında Avropa Kubokunda iştirak edəcək Azərbaycan cüdoçuları müəyyənləşib.
Azərbaycan Cüdo Federasiyasından Sportlife.az saytına verilən məlumata görə, turnirdə ölkəmiz 10 çəki dərəcəsində 21 idmançı ilə (13 kişi, 8 qadın) təmsil olunacaq.
Kişilər arasında Murad Muradlı, Elbrus Zamanov (hər ikisi 60 kiloqram), Kamran Süleymanov, Eltac Yusifli, Bəhram Qurbanlı, Qasım Vəlizadə (hamısı 66 kiloqram), İbrahim Əliyev, Aydın Rzayev (hər ikisi 73 kiloqram), Kərim Allahverdiyev (81 kiloqram), Vüqar Talıbov, Murad Fətiyev, Məmmədrza Hacızadə və İbrahim Ağakişiyev (hamısı 90 kiloqram) qüvvəsini sınayacaq. Qadınların mübarizəsində isə Aydan Vəliyeva, Gültac Məmmədəliyeva (hər ikisi 52 kiloqram), Fidan Əlizadə (57 kiloqram), Südabə Ağayeva, Günel Həsənli, Aytac Qardaşxanlı (hamısı 70 kiloqram), Nərmin Əmirli (78 kiloqram) və Nigar Süleymanova (+78 kiloqram) bacarığını nümayiş etdirəcək.
Cüdoçulara yığmanın böyük məşqçiləri Elxan Məmmədovla Slavko Tekiç, qadınlardan ibarət millinin baş məşqçisi Amina Abdullatif və böyük məşqçi Saşa Herkenrat-Vimar rəhbərlik edəcək.
Aprelin 5-6-da təşkil olunacaq yarışda 41 ölkədən 489 idmançı iştirak edəcək.
