Həmyerlimizdən Messiyə bahalı hədiyyə
Adnan Əhmədzadə "Jacob Co" şirkətinin "Barselona"nın 125 illiyinə özəl hazırladığı saatlardan birini Kataloniya klubunun sabiq futbolçusu Lionel Messiyə hədiyyə edib.
Sportlife.az xəbər verir ki, bu barədə iş adamı şəxsi instaqram hesabında video paylaşıb. Saatın üzərində argentinalı ulduzun La Liqa klubunda çıxış edərkən geyindiyi forma nömrəsinə uyğun olaraq, 10 rəqəmi həkk olunub.
"Əfsanəvi "Barselona" klubunun 125 illik yubileyi şərəfinə "Jacob & Co." 125 ədəd məhdud sayda saat kolleksiyası buraxıb. Hər biri böyüklüyə hörmətdir. Aralarında bir saat var ki, nömrəsinə görə digərləri ilə müqayisə oluna bilməz.
10 nömrə. Bu nömrə layiq olduğu şəxsdədir.
Lionel Messi — ona anlam qazandıran, onu əbədi edən insan.
İndi 10 nömrəli "Özəl saat" aid olduğu yerdədir.
Əfsanə üçün şah əsər", - deyə Adnan Əhmədzadə yazıb.
