"Zirə"nin rəqibindən daha bir qələbə
UEFA Konfrans Liqasının II təsnifat mərhələsində “Zirə”nin rəqibi olan “Hayduk” növbəti yoxlama oyununu keçirib.
Sportlife.az xəbər verir ki, Xorvatiya təmsilçisi Sloveniya toplanışı çərçivəsində yerli “Radomlje” ilə üz-üzə gəlib.
Matç “Hayduk”un 1:0 hesablı qələbəsi ilə yekunlaşıb. Oyunun taleyini həll edən yeganə qolu 47-ci dəqiqədə Mikele Şeqo vurub.
Bu, Split klubunun Sloveniya toplanışı çərçivəsində ikinci qələbəsidir. “Hayduk” ilk matçında ÇSKA-nı (Sofiya) 1:0 hesabı ilə məğlub edib.
“Zirə” və “Hayduk” arasındakı ilk görüş iyulun 23-də Bakıda, cavab qarşılaşması isə 31 iyulda Splitdə keçiriləcək.
Paylaş:
