Qurban Qurbanov: "Azarkeşlərimizi sevindirmək istəyirik”
- Çox keyfiyyətli komandaya qarşı oynayırıq. Oyun sistemi, oyunçuların fərdi bacarığı olaraq belədir. Bizim üçün vacib matçdır. Pis hazırlaşmamışıq. Çalışacağıq ki, sabah oyunboyu diqqətli olaq. Bu, çox vacibdir. Çox istəyirik ki, azarkeşlərimizi sevindirək, uğurlu nəticə əldə edək.
Sportlife.az xəbər verir ki, bu sözləri "Qarabağ"ın baş məşqçisi Qurban Qurbanov sabah oynanılacaq "Lion"la matçdan öncə keçirilən mətbuat konfransında deyib.
Təcrübəli mütəxəssis Fransa klubunun yaşadığı problemlərin meydana təsir etməyəcəyini düşünür:
“Lion” təcrübəli komandadır. Onlarda maliyyə problemi olsa belə, düşünürəm ki, bu nüans meydanda özünü göstərməyəcək. Heyətində çox keyfiyyətli oyunçuları var. Doğma meydanda oynayırıq. Azarkeşlərimizi sevindirmək istəyirik”.
Q. Qurbanov eyni zamanda Mateus Silva və Marko Veşoviçin hazırlıqlarının yaxşı səviyyədə olduğunu, oyuna əsas heyətdə başlayıb-başlamayacaqlarına sabah qərar verəcəyini bildirib.
