"Mövsüm bitəndən sonra dəqiq bilinəcək" - Orxan Əliyev
"Araz-Naxçıvan"ın istedadlı hücumçusu Orxan Əliyevin Sportlife.az-a müsahibəsini sizə təqdim edirik:
"Araz-Naxçıvan" debütant kimi birinci dövrədə çox uğurlu çıxış edirdi, bəs ikinci dövrədə nə baş verdi?
- Bəli, birinci dövrə yaxşı başlamışdıq. Demək olar bütün komandalara göstərdik ki, Premyer Liqaya elə-belə yüksəlməmişik. Təəssüf ki, ikinci dövrədə bunu davam etdirə bilmədik.
Bunun nəticəsində komandada məşqçi dəyişikliyi baş verdi. Azər Bağırovla Elmar Baxşıyev arasında əsas fərq nədir?
- Hər bir məşqçidə yanaşma fərqlidir. Hərəsinin bir oyun stili var.
Sənin üçün mövsüm necə keçdi? Bu mövsüm 9 qol vurmusan, amma son 3 ay uğursuz olub, fərqlənə bilməmisən...
- Deməzdim, uğursuz oldu. Bu normaldır. Futbolda belə şeylər olur. Öz üzərimdə işləyirəm ki, daha yaxşı olum.
Növbəti mövsüm üçün nə düşünürsən? "Araz-Naxçıvan"da qalmaq istəyirsən?
- Təkliflər var. Mövsümün axırıncı oyunu qalıb. Necə olacaq, harda olacam bilmirəm. "Araz-Naxçıvan" mene dogma oldu. Bu barədə işləri menecerim aparır. Mövsüm bitəndən sonra dəqiq bilinəcək.
Karyerarıvı xaricdə davam etdirmək istəyərsən?
- Əlbəttə, bu, hər bir oyunçunun xəyalıdır.
