Sadulayev Bakıdakı turnirə qatıla bilməməyindən danışdı
Rusiyalı güləşçi Abdulraşid Sadulayev Beynəlxalq Olimpiya Komitəsinin (BOK) onun Bakıda keçiriləcək turnirdə iştirakına qadağa qoyulması ilə bağlı qərarına münasibət bildirib.
Sportlife.az xəbər verir ki, təcrübəli güləşçi bu barədə TASS-a danışıb.
“Bəli, bu ədalətsizlikdir və bir çox cəhətdən gözlənilməzdir. BOK-un tələblərinə cavab verməyən rusiyalı idmançıların yoxlanılmasına ötən ildən başlanılıb və sonra mən qara siyahıya düşmədim. Dünya çempionatında iştirak edə bildim. Görünürdü ki, artıq mənə qarşı heç bir şikayət olmamalıdır və sonra məni beynəlxalq yarışlarda görmək istəmədiklərini dərhal elan etmədən mənim üçün ova başlamaq qərarına gəldilər" - deyə TASS Sadulayevdən sitat gətirib.
Aprelin 4-də Dünya Güləş Birliyinin (UWW) komissiyası Sadulayevin aprelin 5-dən 7-dək Bakıda keçiriləcək lisenziyalı turnirdə iştirakına qadağa qoyub.
