Kolo Muaninin transferi baş tutmadı
PSJ-nin hücumçusu Randal Kolo Muaninin "Yuventus"a icarə əsasında transferi FIFA-nın yeni qaydaları səbəbindən bloklanıb.
Sportlife.az xəbər verir ki, 1 iyuldan qüvvəyə minən qaydalara əsasən, bir klub xarici komandaya maksimum 6 oyunçusunu icarəyə verə bilər. PSJ artıq bu limiti doldurduğuna görə Kolo Muaninin transferi mümkün olmayıb.
Hər iki klub bu problemi həll etmək üçün yollar axtarır. Ehtimal olunan həll yollarından biri PSJ-nin hazırda başqa klublara icarəyə verdiyi bəzi futbolçuları, məsələn, Karlos Soler və ya Xuan Bernatı erkən geri çağırması ola bilər.
Qeyd edək ki, Kolo Muani bu mövsüm PSJ forması ilə 14 oyunda iştirak edib, 2 qol vurub və 1 məhsuldar ötürmə edib. "Yuventus" futbolçunu mövsümün sonuna qədər icarəyə götürmək üçün razılaşsa da, FIFA qaydaları transferin tamamlanmasına mane olub.
