"Qarabağ" Azərbaycanı tərk etdi
“Qarabağ” təlim-məşq toplanışının 2-ci mərhələsi üçün Avstriyaya yollanıb.
Sportlife.az xəbər verir ki, komanda bu gün Heydər Əliyev Beynəlxalq Aeroportundan səfərə yola düşüb.
Ağdam təmsilçisi məskunlaşacağı Zell-Am-Seenin Kaprun bölgəsində 4 sınaq matçına çıxacaq. İyulun 7-də keçiriləcək ilk görüşdə rəqib Ukraynanın “Metallist” klubu olacaq. Qarşılaşma Bakı vaxtı ilə saat 19:30-da başlayacaq.
Azərbaycan çempionu 4 gün sonra “Tvente” ilə iki görüşə çıxacaq. Niderland klubu ilə oyunlar saat 17:00 və 19:15-də start götürəcək.
İyulun 15-də baş tutacaq toplanışın son matçı Avstriyanın “Zalsburq” kollektivinə qarşı olacaq. Görüş saat 18:00-da başlayacaq. Qarşılaşmaların 4-ü də Kaprun stadionunda olacaq.
Qeyd edək ki, “Qarabağ” iyulun 16-dək Avstriyada təlim-məşq toplanışı keçirəcək.
