"Çorum"un baş məşqçisi Coşqun haqqında danışdı
Türkiyənin "Çorum" klubunun baş məşqçisi Sərkan Özbaltann Sportlife.az saytına müsahibəsi
- Coşqunun transfer ideyası necə yarandı?
- Yarımmüdafiə xəttimizdə həm say, həm də mövqe çatışmazlığı var idi. Coşqunun ölkəmizdə uzun müddət bu sahədəki potensialı və bacarığı bizi transferə sövq etdi.
- Diniyevin ilk matçda 2 qol vurması barədə nə düşünürsünüz?
- Coşqun komanda ilə cəmi 1 məşq keçmişdi. İlk matçda start heyətində meydana çıxmasını istəyirdik. Onun yaxşı çıxışı və vurduğu qollar bizi sevindirdi.
- Liqadakı vəziyyətiniz sizi qane edirmi?
- Bu il liqanın hazırkı vəziyyətinə, komandaların büdcəsinə, heyətə və oyunçu strukturlarına nəzər saldıqda, indiki vəziyyətimiz heç də pis deyil.
- Hədəfləriniz nələrdir?
- İlk olaraq, play-off zonasındakı yerimizi qorumaq və gücləndirmək istəyirik. Bu mövsüm "Çorum" üçün hazırkı mövqe, bir ildən sonra möhkəm və sağlam addımlar atmaq baxımından əhəmiyyətli bir vəziyyət kimi görünür.
Akif ƏHMƏDOV
