DÇ-2022: Fransa 1/4 finalda, İngiltərə Seneqala qarşı - YENİLƏNİR
Bu gün futbol üzrə dünya çempionatında 1/8 final mərhələsinin daha iki oyunu keçiriləcək. Günün ilk matçında Fransa Polşa ilə üz-üzə gəlib.
“Əl-Tumama” stadionundakı qarşılaşmanı FİFA referisi Xesus Valensuela idarə edib. Dörd qolun qeydə alındığı matçdan inamlı qələbə ilə ayrılan fransızlar 1/4 finala yüksəliblər.
Bu cütün qalibi 1/4 finalda İngiltərə - Seneqal oyununun güclüsünə rəqib olacaq. "Əl-Bayt" stadionundakı həmin matç Salvadordan olan FIFA referisi İvan Bartona tapşırılıb.
Xatırladaq ki, hələlik Niderland və Argentina komandaları 1/4 finala yüksəliblər.
Dünya çempionatı
4 dekabr
Fransa – Polşa 3:1
Qol: Olivye Jiru, 44. Kilian Mbappe, 74; 90+1 - Robert Levandovski, 90+9-pen.
Baş hakim: Xesus Valensuela (Venesuela).
“Əl-Tumama” stadionu.
Fransa: Uqo Loris (k), Jül Kunde, Dayo Upamekano, Rafael Varan, Teo Ernandes, Orelyen Çuameni, Adrien Rabyo, Antuan Qrizmann, Kilian Mbappe, Usman Dembele, Olivye Jiru.
Polşa: Voyçex Şensnı, Bartoş Bereşinski, Kamil Qlik, Metti Keş, Pşemıslav Frankovski, Yakub Kivyor, Qjeqoj Krıxovyak, Robert Levandovski (k), Pyotr Zelinski, Sebastian Şimanski, Yakub Kaminski.
23:00. İngiltərə – Seneqal
Baş hakim: İvan Barton (Salvador).
“Əl-Bayt” stadionu.
