"Onları həmişə qoruyacağam" - Arbeloa
"Real"ın baş məşqçisi Alvaro Arbeloa komandada məyus olduğu oyunçuların olub-olmadığı ilə bağlı sualı cavablandırıb.
Sportlife.az xəbər verir ki, 43 yaşlı mütəxəssis bunları deyib:
"Əlbəttə ki, yox. Mən onları açıq şəkildə müdafiə edirəm və bunu davam etdirəcəyəm. Həmçinin, onların oyununu hər gün gördüyüm üçün, onların fədakarlığını görürəm; onlar həmişə əllərindən gələni etməyə çalışırlar. İnanıram ki, məşqçi məhz bunu etməlidir. Biz təkbətək çox danışırıq və mən buna inanıram: qərar verilməli olan hər şey aramızda qalmalıdır. Bu vəzifəni tutduğum müddətcə onları həmişə qoruyacağam".
"Kral klubu" La Liqa turnir cədvəlində 74 xalla ikinci yerdədir və lider "Barselona"dan 14 xal geridədir. Onların növbəti liqa matçı bu gün "Espanyol"a qarşı olacaq.
