Şahmat komandamız Avropada birinci oldu
Rumıniyanın Mamaya şəhərində şahmat üzrə yeniyetmə oğlan və qızlar arasında Avropa çempionatına yekun vurulub.
Şahmat Federasiyasından Sportlife.az-a verilən məlumata görə, turnirdə 8, 10, 12, 14, 16 və 18 yaş kateqoriyalarında 44 şahmatçımız iştirak edib.
Azərbaycan şahmatçıları Avropa çempionatından 4 qızıl, 2 gümüş və 1 bürünc olmaqla ümumilikdə 7 medalla qayıdır.
Turnirdə mükafatlandırma mərasimi də baş tutub. Qalib və mükafatçılara medal, diplom, o cümlədən kubok təqdim edilib. Çempion şahmatçılarımızın şərəfinə 4 dəfə Azərbaycan himni səsləndirilib.
Qeyd edək ki, ümumilikdə Avropa çempionatında 46 ölkədən 928 şahmatçı mübarizə aparıb.
Paylaş:
