Şahrudin Məhəmmədəliyevin son durumu bilindi
Azərbaycan Premyer Liqasında 4-cü dövrə start götürəcək. "Qarabağ" martın 28-də açılış matçında "Turan Tovuz"la qarşılaşacaq.
Ağdam klubunun mətbuat katibi Anar Hacıyev oyunçuların vəziyyəti və zədəlilər barədə Sportlife.az saytına məlumat verib:
"Milliyə çağırılmayan futbolçular məşqlərini çoxdan bərpa edib. "Kəpəz"lə oyundan sonra onlara 4 günlük istirahət verilmişdi. Məşqlərini davam etdirir və növbəti oyuna hazırlaşırlar".
Şahrudin Məhəmmədəliyev millinin matçında topuğundan zədələndi. Həkimlərin müayinəsindən sonra 1 həftəyə məşqlərə geri dönəcəyi bildirilib. Digər zədəli futbolçumuz Abbas Hüseynov isə artıq komanda ilə birgə məşqlərə qoşulur".
Akif ƏHMƏDOV
Paylaş:
