Xanəndə bodibilderdən çempionluq təəssüratı - AÇIQLAMA
Avropa çempionu olan bodibildinq millimiz Bakıya qayıdıb.
Sportlife.az-a açıqlama verən millimizin çempion üzvü, xanəndə Pərviz Qasımov tarix yazdıqlarını bildirib.
“Komanda hesabında ilk dəfə Avropa çempionu olduq. Mən isə öz növbəmdə 2 qızıl medal qazandım. Azərbaycan himnini 2 dəfə səsləndirdim. Şükürlər olsun Allahıma. Biz Avropa çempionu olmaqla tarix yazdıq. Heç vaxt belə nəticə olmamışdı” – deyə Qasımov vurğulayıb.
Millimizin ağır çəkidəki üzvü xanəndə kimi də, idmançı kimi də qələbə hissinin qürurverici olduğunu bildirib: “Bildiyiniz kimi mən sənətkaram – sənət adamıyam. Beynəlxalq muğam müsabiqələrində olduğu kimi, bodibilder kimi də çempionluq yaşadım. Çox qürurverici bir hadisədir. Azərbaycan adını daima yüksəklərə tutmağa çalışıram. Yaşasın Azərbaycan!”
Qulammirzə Səfərli