Sabiq futbolçusu "Qarabağ"a dəstək verdi
"Üzücü məqamdır".
Bu sözləri Sportlife.az-a açıqlamasında "Qarabağ"ın braziliyalı sabiq futbolçusu Danilo Dias UEFA Avropa Liqasının əsas mərhələsinin VII turunda Rumıniya təmsilçisi FKSB-yə 2:3 hesabı ilə məğlubiyyət barədə danışarkən deyib.
Veteran futbolçu "Qarabağ"ın növbəti mövsüm daha yaxşı mübarizə aparacağını bildirib: "Ruhdan düşmək olmaz. Futbolda hər zaman qalib gəlmək mümkünsüzdür. "Qarabağ" indiyədək Azərbaycanın adını Avropada yüksək səviyyədə təmsil edib. Azarkeşlərə sözüm odur ki, komandalarının yanında olsunlar. Hər şey yaxşı olacaq".
Dias "Qarabağ"ın hazırkı heyətinin yaxşı olduğunu söyləyib: "Uğursuz nəticələr olduğu zaman tənqidlər də çox olur. Normal haldır. Baxın, Qurban Qurbanov illərdir komandasını stabil saxlayır. Düşünürəm ki, bundan böyük nəsə ola bilməz. Başa düşürəm, Juninyonun gedişi də komandaya təsir edir".
