"Bunlarla da inkişafa nail ola bilməyəcəyik"
"Limitin ləğvi məsələsinə düzgün baxmıram. Çünki olan-qalan futbolçularımız da itəcək".
Bu sözləri Sportlife.az-a açıqlamasında veteran futbolçu, hazırda "Qarabağ" klubunun akademiyasında məşqçi işləyən Rəşad Sadiqov Azərbaycan futbolunda legioner limitinin mümkün ləğvi məsələsi ilə bağlı danışarkən deyib.
Azərbaycan millisinin sabiq futbolçusunun fikrincə, bu amil yığmalara da mənfi təsir edəcək: "Milli komandaya prespektivli futbolçu çıxarmaq çətin olacaq. Pulu olan komandalar legioner alacaq, maliyyəsi zəif klublar əvvəlcə yerliləri gətirəcəklər, daha sonra isə həmin futbolçuları oynatmayacaqlar. Bura İspaniya, Portuqaliya deyil ki, bütün oyuçularımız legioner həyatı yaşasın. Bir neçə ad var ki, onlar Türkiyədə çıxış edirlər. Bunlarla da inkişafa nail ola bilməyəcəyik".
