"Neftçi"nin dəyişməyən dərdi
Gözlənilməz heç-heçələrin ardınca "Neftçi" öz meydanında "Turan Tovuz"a da məğlub oldu (0:1). İlk turlar artıq böhranın dərin olduğunu göstərdi. Köklü dəyişikliklər də öz nəticəsini vermədisə, problem nədədir?
Mövsüm öncəsi edilən yeni transferlər və rəhbərliyin böyük vədləri meydandakı oyunla üst-üstə düşmür. Bu nəticələr təsadüf və ya bəxtsizlik sayıla bilməz. Klubda sistemli xaosun hökm sürdüyü açıq görünür.
Mövsümə ən pis başlayan klub "Neftçi"dir. Samir Abasov dilinə görə dilçək göstərə bilmir. Gələcəkdə yaxşı olacağını deyə-deyə komanda xallar itirir. Belə zaman qazanmaq olmayacaq. Azarkeşlər səbəb yox, nəticə görmək istəyir.
"Neftçi" yenə böhran vəziyyətində boğulur. Klub rəhbərliyi hələ də komandanın gerçək problemlərini tapa bilməyibsə, deməli, bu vəziyyətin yaranmasında Samir Abasov qədər təqsirkardır. Hər mövsüm yeni başlanğıc adı ilə eyni səhvlər təkrarlanır. Böyük vədlər, bahalı transferlər və nəticədə eyni məyusluq - azarkeşlər hər mövsüm eyni ssenarini izləməkdən yorulub...
Sportlife.az
