Bakıda keçirilən "Top 8" turnirinə yekun vuruldu
Bakıda stolüstü tennis üzrə "Top 8" turnirinə yekun vurulub.
Sportlife.az xəbər verir ki, "Şüa" İdman Kompleksində təşkil olunan ənənəvi yarışda Azərbaycanın ən güclü stolüstü tennisçiləri bacarıqlarını göstəriblər.
Kişilər arasında Onur Quluzadə 1-ci olub. O, finalda Rüstəm Hacılıya qalib gəlib. Vəzir Allahverdiyev 3-cü yeri tutub.
Qadınların turniri Aylin Əsgərovanın qələbəsi ilə nəticələnib. Mərziyyə Nurmətova fəxri kürsünün 2-ci, Ləman Abdulhəmidova 3-cü pilləsinə qalxıb.
Fərqlənən idmançılara Azərbaycan Stolüstü Tennis Federasiyasının diplom və mükafatları təqdim olunub.
Paylaş:
