Bojoviç: "Nəticəyə fokuslanmalı və istədiyimiz yeri tutmalıyıq"
"İlk oyunun nəticəsi hər iki komandaya təsir göstərdi. İkinci hissə daha maraqlı keçdi. Qol vəziyyətləri çox oldu. Bu oyunda əvvəlki matçlarda özlərini göstərə bilməyən futbolçulara şans verdim".
Sportlife.az xəbər verir ki, bu sözləri "Neftçi"nin baş məşqçisi Miodraq Bojoviç Azərbaycan kubokunun yarımfinalında "Qarabağ"a 1:4 hesabı ilə uduzaraq mübarizəni dayandırdıqları cavab görüşündən sonra mətbuat konfransında deyib.
Mütəxəssis komandanın futbolçusu Ağadadaş Salyanski haqda müsbət fikirlər səsləndirib: "Biz onu əsas heyətə götürməyə cəhd edirik. Bu gün yaxşı oynadı, yaxşı ötürmələri var idi. Sevinirəm ki, "Neftçi"nin bu cür yetirməsi var və inanıram ki, faydalı olacaq".
Paylaş:
