Azər Bağırov: “Hazırkı büdcəmizlə böyük dəyişikliklər etmək mümkün deyil”
“Kəpəz” bu gün Azərbaycan Premyer Liqasının 18-ci turunda “Sumqayıt”la qolsuz heç-heçə edib.
Sportlife.az xəbər verir ki, matçdan sonra keçirilən mətbuat konfransında Gəncə təmsilçisinin baş məşqçisi Azər Bağırov görüşlə bağlı bunları deyib:
"Son matçlarda komanda yaxşı oynayır. Sadəcə qələbə qazana bilmirik. Bu gün meydanda “Kəpəz” var idi. Hər iki hissədə qol epizodlarımız oldu. Çox təəssüf ki, qalib gələ bilmədik. Gələcəyə baxmalıyıq. Bizi qarşıda çox çətin ikinci yarı gözləyir. Qışda yaxşı seleksiya etməliyik”.
O, fikirlərinə belə davam edib:
“Hazırkı büdcəmizlə heyətdə böyük dəyişikliklər etmək mümkün deyil. Sadəcə 3-4 futbolçunu dəyişmək istəyirik. Bu yöndə işlərimiz gedir. Əsasən də qol hissiyyatı olan futbolçular axtarırıq. Bəlkə də çempionatda heç kimin bizim qədər qol epizodu olmur. Amma dəyəndirə bilmirik. Buna görə də heyfslənirik”.
