"Həmin o məbləğə Juninyo kimi 2-3 oyunçu tapmaq olar"
Bu günlərdə futbol gündəminin əsas mövzusu Juninyonun "Qarabağ"dan ayrılacağı ilə bağlı yayılan xəbərlərdir.
Bu barədə futbol eksperti, Azərbaycan millisinin sabiq üzvü Ceyhun Sultanov Sportlife.az-a açıqlama verib:
"Juninyonun "Qarabağ"dan getməsi normal haldır. Bu, futboldur, həm də biznesdir. Məncə, yetərincə "Qarabağ"ı qane edəcək məbləğ olacaqsa, getməyi məsləhətdir. Hər bir ölkədə bu praktika var ki, futbolçu aşağı məbləğə alınır, ondan xeyir alırsan, sonra isə onu daha yüksək məbləğə satırsan. Bu, normal bir haldır. Düzdü, bu anda futbolçu tapmaq çətin olacaq, amma bunu etmək mümkündür. Düşünürəm ki, "Qarabağ"ı büdcə olaraq qane etsə, mən satmağı məsləhət görərdim. Həmin o məbləğə Juninyo kimi 2-3 oyunçu tapmaq olar. Düzdü çətin olacaq, amma bu mümkündür".
