Filip Ozobiç: "Addım-addım irəliləməliyik"
Azərbaycan Kubokunun 1/4 final mərhələsinin cavab oyunları çərçivəsində keçirilən "Kəpəz" - "Turan Tovuz" matçından (0:2) sonra qonaq komandanın yarımmüdafiəçisi Filip Ozobiç jurnlistlərin suallarını cavablandırıb.
Sportlife.az xəbər verir ki, xorvatiyalı yarımmüdafiəçi matç barədə bunları deyib:
– Oyunla bağlı fikirlərini bölüşərdin...
– Çətin qarşılaşma oldu. Əsas odur ki, qələbə qazandıq. Yarımfinala vəsiqə qazandığımız üçün xoşbəxtik.
– Çempionatdakı rəqabət haqqında nə düşünürsən?
– Düşünürəm ki, çempionat hər il daha da çətinləşir. Komandalar güclənir. Bu il də maraqlı və rəqabətli bir mövsüm gözləyirəm.
– Öz formandan necə, razısanmı?
– Bəli, özümü yaxşı hiss edirəm. Təlim-məşq toplanışını yaxşı keçirdik. Komandama kömək etmək üçün əlimdən gələni əsirgəməyəcəm.
– Avrokuboklara vəsiqə barədə nə düşünürsən? Komandanın şanslarını necə dəyərləndirirsən?"
– Avropada oynamaq hər zaman çətindir, amma bizim təcrübəmiz var. Addım-addım irəliləməliyik. Məqsədimiz avrokuboklara vəsiqə qazanmaqdır.
– Sabiq komandan olan 'Neftçi' haqda nə deyə bilərsən? Klub hazırda çətin dövrünü yaşayır. Səncə, "Neftçi" bu vəziyyətdən çıxa biləcəkmi?
– "Neftçi" böyük tarixə malik klubdur. Onların hazırda çətinlik çəkməsi futbolun bir parçasıdır. Lakin yaxşı heyətləri və məşqçiləri var. Onlar mütləq toparlanacaqlar və turnir cədvəlində öz yerlərini tutacaqlar. "Neftçi"yə uğurlar arzulayıram.
