
"Barselona"da yeni müqavilə
“Barselona” futbolçusu Jül Kunde ilə müqavilə müddətini uzadacaq.
Sportlife.az xarici mətbuata istinadən xəbər verir ki, Kataloniya təmsilçisi 26 yaşlı müdafiəçi ilə razılığa gəlib. Yaxın zamanda tərəflər arasında 2030-cu illə qədər yeni sözləşmə imzalanacaq.
Fransa millisinin üzvü 2022-ci ildə “Sevilya”dan 50 milyon avroya İspaniya nəhənginə keçib. O, bu mövsüm bütün turnirlərdə 43 oyunda, 3 qol və 8 məhsuldar ötürmə ilə yadda qalıb.