Qapıçıların vaxt aparmağına görə künc zərbəsi cəzası?
Beynəlxalq Futbol Assosiasiyaları Şurası (IFAB) qapıçılara topu oyuna buraxmaq üçün verilən vaxtda mümkün dəyişikliyi nəzərdən keçirir.
Sportlife.az xəbər verir ki, hazırda, bu hərəkət üçün altı saniyə verilir. Bu qaydaya hakimlər heç də həmişə əməl etmirlər, buna görə də qapıçılara göstərilən vaxtdan çox vaxt verilir.
Ancaq futbol oyun qaydalarını idarə edən və nizamlayan qurum hesab edir ki, qapıçının uzun müddət topu əlində saxlaması ədalətsiz taktikadır.
Topun əlində möhkəm olduğu andan etibarən oyuna daxil olmaq üçün vaxt altı ilə səkkiz saniyə arasında dəyişə bilər. Qapıçı təyin olunmuş vaxtda topu oyuna daxil etməzsə, rəqib künc zərbəsi vuracaq və ya topu kənara atacaq.
Yeniliklər 2024/25 mövsümündə sınaqdan keçirilməyə başlayacaq.
Paylaş:
