Ramil Şeydayev millidən uzaqlaşdırıldı
21 yaşadək futbolçulardan ibarət komandalar arasında Avropa çempionatının seçmə mərhələsində noyabrın 9-da Almaniya, noyabrın 14-də isə Kosova yığması ilə qarşılaşacaq Azərbaycan millisinin heyətində dəyişiklik baş verib.
Sportlife.az AFFA-ya istinadən xəbər verir ki, Azərbaycan Premyer Liqasının 11-ci turunda keçirilmiş “Kəpəz” - “Qarabağ” oyununda zədələnmiş Ramil Şeydayevin Almaniya yığması ilə oyunda meydana çıxa bilməyəcəyi bu gün MRT müayinəsindən sonra müəyyənləşib.
Futbolçunun Kosova yığması ilə oyunda çıxış edib-etməyəcəyi qarşıdakı günlərdə bəlli olacaq.