“Araz-Naxçıvan” “Turan Tovuz”a, “Sabah” “Səbail”ə qarşı
Bu gün Misli Premyer Liqasında 15-ci tura start veriləcək.
Sportlife.az xəbər verir ki, ilk gündə 2 oyun baş tutacaq.
Əvvəlcə “Araz-Naxçıvan” əsas izləyicisi olan “Turan Tovuz”u qəbul edəcək. Naxçıvan təmsilçisi hazırda 33 xalla 2-ci, Tovuz klubu isə 27 xalla 3-cü sırada qərarlaşıb.
Günün ikinci matçında “Sabah” isə “Səbail”lə qarşılaşacaq. "Bayquşlar"ın baş məşqçisi Vasili Berezutski yeni komandasında debüt edəcək.
“Şamaxı” – “Kəpəz” və “Zirə” – “Sumqayıt” oyunları sabah keçiriləcək. “Neftçi” – “Qarabağ” matçı isə dekabrın 1-də baş tutacaq.
Misli Premyer Liqası
15-ci tur
29 noyabr
16:00. “Araz-Naxçıvan” – “Turan Tovuz”
Hakimlər: Cavid Cəlilov, Kamran Bayramov, Müslüm Əliyev, Nicat İsmayıllı.
“Liv Bona Dea Arena”.
19:00. “Sabah” – “Səbail”
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev.
Bank Respublika Arena.
