Keynin qələbə şərhi
"Bavariya"nın hücumçusu Harri Keyn Çempionlar Liqasının 1/4 final mərhələsinin cavab oyununda "Real" üzərində qazanılan 4:3 hesablı qələbəni şərh edib.
Sportlife.az xəbər verir ki, ingiltərəli futbolçu UEFA-nın rəsmi saytına açıqlamasında matçın çətin keçdiyini bildirib:
"Çempionlar Liqasında "Real"la oynamağın asan olmayacağını bilirdik. Onların bu yarışla xüsusi əlaqəsi olduğu aydındır. Qalib gəlmək üçün ən yüksək səviyyədə oynamaq lazımdır.
İlk hissə bir az dəlicəsinə keçdi: açıq-aydın dəhşətli başladıq, amma sonra oyunumuzu tapdıq və daha kəskin təsir bağışladıq. Lakin rəqib əks-hücumda bizə həqiqətən çətin anlar yaşatdı və biz yenidən cəzalandırıldıq. İkinci hissədə daha səbirli olmağa qərar verdik. Oyun davam etdikcə daha da güclənəcəyimizi bilirdik və ələ düşən epizodları sona doğru qola çevirə bildik".
