Futbolun 60 dəqiqə oynanılmasını istəyirlər
Futbolda radikal dəyişikliklər olması ilə bağlı təkliflər irəli sürülüb.
Sportlife.az xəbər verir ki, təkliflər Futbol Assosiasiyaları Beynəlxalq Şurasından (İFAB) gəlib. İFAB dəyişiklikləri müzakirəyə çıxarmağa hazırlaşır. Əsas təkliflərdən biri oyunların müddətinin 90 dəqiqədən 60 dəqiqəyə endirilməsidi. Korner və cərimə zərbələrinin oyuna birbaşa (ötürmə vermədən) daxil edilməsi də müzakirəyə çıxarılacaq məsələlərdəndi.
Əgər təkliflər qəbul edilərsə, futbolda da basketbolda olduğu kimi təmiz vaxt hesablanacaq və pauzalar zamanı vaxt dayandırılacaq.