"Turan Tovuz"dan Qəbələdə inamlı qələbə
Azərbaycan Premyer Liqasında XIV turdan təxirə salınmış oyun keçirilib.
Sportlife.az xəbər verir ki, “Qəbələ” doğma meydanda “Turan Tovuz”u qəbul edib.
Qəbələ şəhər stadionunda oynanılan qarşılaşma Tovuz klubunun 3:0 hesablı qələbəsi ilə yekunlaşıb. Hesabı 9-cu dəqiqədə Alexandro Serrano açıb. Doqquz dəqiqə sonra Filip Ozobiç fərqi iki topa çatdırıb. Meydan sahiblərinin heyətində 47-ci dəqiqədə Seydina Keyta avtoqol müəllifi olub.
Hazırda qonaqlar 40 xalla turnir cədvəlinin 3-cü, ev sahibləri isə 15 xalla 10-cu pilləsində qərarlaşıblar.
Qeyd edək ki, dekabrın 8-də keçirilməli olan “Qəbələ” – “Turan Tovuz” oyunu qatı duman səbəbindən 24-cü dəqiqədə yarımçıq dayandırılmışdı.
Paylaş:
