"Qarabağ" maksimum diqqətli olmalıdır" - Rauf Əliyev
"Qarabağ" bu gün Avropa Liqasının Liqa mərhələsinin VI turunda səfərdə "Elfsborq"la qarşılaşacaq.
Sportlife.az xəbər verir ki, bu matç barədə saytımıza "Qarabağ"ın sabiq futbolçusu və hazırda Ağdam klubunun U-15 komandasını çalışdıran Rauf Əliyev görüşlə bağlı fikirlərini bildirib:
"Bugünkü matç barəsində onu deyə bilərəm ki, "Qarabağ" üçün çox vacib oyundur. Komandamız mübarizəni davam etdirmək istəyirsə, rəqibini mütləq məğlub etməlidir. İsveç klubu haqqında çox məlumatlı deyiləm. Ancaq onların futbolu haqqında bunu bilirik ki, adətən sona qədər mübarizə aparırlar və standard vəziyyətlərdən yaxşı yararlanırlar. "Qarabağ" maksimum diqqətli olmalıdır. Ancaq inanıram ki, komandamız səfərdən bizə lazım olan nəticəylə qayıdacaq".
Paylaş:
